ޅެން

އެއީވެސް ދުވަހެއް

ރާގު:       ގައުމީ މަސްލަހަތަށް ލޯބިކުރާ ގިނަ މީހުން....

ލަވަ ހެދީ:   މުހަންމަދު ޢަބުދުއްރަޙްމާން (ރަފީޢު)

އިރުވައިމޫސުމު ދުވަހެއްގަ މަމެން ކުރި ދަތުރުން
        ބިރުވެރި ކަން މިހިތަށް ކުރިމަތިވީ އެރަށުފަރުން

އިއްސޭ އާއި ރަފީ މަޖުދީޔާ ތިންމީހުން
    ނަލަނަލަ ވައިގަ ދުވާ ކުޑަކުޑަ ފަރި ބޮއްކުރަލުން
             މިސްރާބާއެކު މޫފުށި ފަޅަށޭ ބަނދަރުކުރީ
                    މޮޅުމޭއްޔާ ބަޓުމުށި މޭލި ނަގަން ފޯރީގާ

މެންދުރު ވަގުތުވުމުން ބޮއްކުރަލަށް ދެން މި އަރާ
         ތިންރޮއްޓާއި ރިހާކުރު ޖޫހުން ނާސްތާކޮށް
            މެންދުރު ފަހުގެ ބުރަށް މާސްކުގަ ފީނަން ފެށުނީ
                        ކިރުމޭއްޔާ ކަށިމޭއްޔާއި ނަގަން ފޯރީގާ

އިންޖީނެއްގެ އަޑަށް މޫނު ފެނުން ހިއްލާލިން
       އިންސާނުންގެ ބަޔަކު ބޮޑު ދޯންޏެއްގާ އައުމުން
              ދެންވާ ބިރުދައްކާ ބޮއްކުރަލުގަ ވާ އައްސާ
                       ކަފުގާ ވަލުގަ ޖަހާ ގެންދިޔައީ ރޮއްވާފާ

އަހުމަދު އަލިބެ އެކުރި ހިތްވަރަކުން ބިރު ކުޑަކޮށް
       ޖެހުނީ ޖެހިލުންވެވި ދާށެ ދުރަށް ފުރަގަސްދީ
            އެކުގާ ހަތަރުވެރިން ބޮއްކުރަލުގަ ދެން ދިޔައިރު
                       އެހެލާ ރަށުގެތެރޭ މުޑި ޖައްސާފާ އެހުރީ

މޫފުއްޓާއި ގުޅާ އަހުމަދުބޭ ދިން މެސެޖުން
      މޫދުން ލާފަގެނެސް އަތަށޭ ހަމަ ދޭން ޖެހުނީ
           ކަނޑުލީ މީހުންނަށް ހިތި ޒަހަރޭ ދެން ބޮވުނީ
                   ލަދުވެތި ކަމުގެ ތެރޭ މޫނު އޮބާލަން ޖެހުނީ